தஞ்சாவூர்: கும்பகோணம் அடுத்த சோழன்மாளிகையில் உள்ள டாக்டர் ஜி.எஸ்.கல்யாணசுந்தரம் நினைவு பள்ளியில் 17.02.2023 அன்று ஆண்டு விளையாட்டு விழா பள்ளியின் தலைவர் ஜி.கே.இராமமூர்த்தி தலைமையில், தாளாளர் விஜயராகவன் வழிகாட்டுதலின்படி, பள்ளியின் முதன்மை கல்வி அதிகாரி முரளிராவ் மேற்பார்வையில், பள்ளியின் முதல்வர் A.M.ஜெயந்தி வழிகாட்டுதலின்படி நடைபெற்றது.

சிறப்பு விருந்தினராக கலந்து கொண்ட கும்பகோணம் காவல் துணை கண்காணிப்பாளர் திரு.மகேஷ்குமார் அவர்கள் விழாவிற்கு தலைமை தாங்கினார். மேலும் பள்ளி மாணவர்களின் அணிவகுப்பை ஏற்றுக் கொண்ட, காவல் துணை கண்காணிப்பாளர், பள்ளியில் மட்டுமல்லாமல் மாநில அளவிலும், தேசிய அளவிலும் பல்வேறு விளையாட்டு போட்டிகளில் கலந்து கொண்டு வெற்றி பெற்ற மாணவ, மாணவிகளுக்கு தங்கம், வெள்ளி, வெண்கலம் உள்ளிட்ட பதக்கங்களையும், விருதுகளையும் வழங்கி பாராட்டினார்.

இவ்விழாவில் மாணவ, மாணவிகளின் பல்வேறு கலை நிகழ்ச்சிகளும், சாகச நிகழ்ச்சிகளும் நடைபெற்றது.