தஞ்சாவூர்: கும்பகோணம் அடுத்த சோழன்மாளிகையில் கலைஞரின் அனைத்து கிராம ஒருங்கிணைந்த வேளாண் வளர்ச்சி திட்டத்தின் கீழ் பயணாளிகளுக்கு மரக்கன்றுகள், காய்கறி விதை பொட்டலங்கள் வழங்கும் நிகழ்ச்சி நடைபெற்றது. குடந்தை மேற்கு ஒன்றிய செயலாளரும், மாவட்ட ஊராட்சி மன்ற குழு துணைத்தலைவருமான S.K.முத்துச்செல்வன் விழாவினை தொடங்கி வைத்து பயணாளர்களுக்கு மரக்கன்றுகளை வழங்கினார்.



உதவி தோட்டக்கலை அலுவலர் (சோழன்மாளிகை சரகம்) மு.அசோக், தோட்டக்கலை - மலைப்பயிர்கள் துறை, வேளாண் பொறியியல் துறை உதவி பொறியாளர் ரேவதி ஆகியோர் நிகழ்ச்சியில் விவசாயிகளின் பல்வேறு சந்தேகங்களுக்கு விளக்கம் அளித்தனர்.
 


குடந்தை மேற்கு ஒன்றிய பொருளாளர் இளங்கோவன், குடந்தை முன்னாள் ஒன்றிய குழு உறுப்பினர் தங்கவேலு, சோழன்மாளிகை ஊராட்சி மன்ற உறுப்பினர்கள், ஊராட்சி செயலர் சந்திரநாத், கிளை கழக செயலாளர் வீரமணி, அத்மா குழு நண்பர் கவிதா இளவரசன், விவசாய சங்க பிரதிநிதிகள் திரளாக கலந்து கொண்டனர்.

இந்நிகழ்வில் கலந்து கொண்ட விவசாயிகள் மற்றும் பொதுமக்கள் தென்னங்கன்றுகள், காய்கறி விதை பொட்டலங்கள், கொய்யா, மா, நெல்லி, பலா, நாவல் உள்ளிட்ட மரக்கன்றுகளை பெற்றுச்சென்றனர். 
6
0
1
0
0
0