கும்பகோணம் அரசு இன்ஜினியரிங் காலேஜ் மற்றும் தமிழ்நாடு அறிவியல் தொழில்நுட்ப மாநில மன்றம் இணைந்து நடத்திய அறிவியல் தொழில்நுட்ப திறன் வளர்ச்சி மற்றும் தொழில் முனைவோருக்கான பயிற்சி முகாம் 29.8.2023 முதல்  31.8.2023 வரை மூன்று நாள் சிறப்பாக நடைபெற்றது.

இந்நிகழ்ச்சியில் கல்லூரியின் முதல்வர் முனைவர் T. பாலமுருகன் தலைமை வகித்து பேசுகையில்: அறிவியல் தொழில்நுட்பமும், இன்றைய உலகின் முன்னேற்றம் மற்றும் திறன் மேம்பாட்டின் முக்கியத்துவத்தை எடுத்துரைத்தார். இந்த பயிற்சி முகாமின் ஒருங்கிணைப்பாளரும் கல்லூரியின் துணை முதல்வருமான முனைவர் கலைமணி சண்முகம், பங்கேற்பாளர்கள் மற்றும் சிறப்பு விருந்தினர்களை வரவேற்று இத்திறன் மேம்பாட்டு பயிற்சி முகாமின் நோக்கம் மற்றும் பயன்களை எடுத்துரைத்தார். இக்கல்லூரியின் கல்விப் புலத்தலைவர் முனைவர் M. ருக்மாங்கதன் சிறப்பு விருந்தினர்களுக்கு பொன்னாடை அணிவித்து நினைவு பரிசினை வழங்கினார்.